كلمات أغاني مصطفي سيد أحمد....

أن شاء الله حأعرض عليكم بعض أغاني الراحل المقيم مصطفي سيد أحمد وأتمني ان تنال رضاكم.......

ماني غرقان في التمني

ماني غرقان في التمني...
ولاني سارح بالاماني...
زارني خاطراً بل شوقي واحتواني...
النخل اتلاقي غني...
وردد النيل الاغاني...
النجوم لامع بريقها...
الورود النايمة فاقت...
عطرت كل الجزاير برحيقها...
الندي الراقد بفوقها...
صفقت جناحاتو غنت لي هواي...
دقوا مزيكة الحواري...
ورقصوا البنوت أعرضوا...
النخل زائد في عرضو وفي علاهو...
يحكي للدنيا الجميلة...
سر ثباتو وسر بهاهه...
ضي عيونك يابنية....
يضوي من بلداً بعيدة...
تحملك لينا الغمامة...
ويكتمل لروح نشيدها...
للدروب الليل تودي...
بنسرج الخيل العنيدة...
والحزن من ضي عيونك...
يلبس الفرحة الجديدة...
وأنا راكب يا مراكب...
لا الرياح توقف خطاي...
لا الجبال تحجب رؤاي...
ست شموس الكون مناي...
ليك مسافر من كتير الزاد...
مسافر بي غناي...
نوصل الشمس البعيدة...
نبقي عيدها...
نزرع الحب البيوقد للنهاية...