رصاصات الرحمه

من طرف باتو2009 الأحد سبتمبر 13, 2009 1:59 am

رصاصه (1)

اولا : اللهم لا شماتـه (3) مرات .. وانتبهوا معاي لازم نقولا (3) مرات !
طبعــا اكتـر وصف ممكن نشبـه بيهوا اقوان هلالنا ( يالله كلمه هلالنا دي بقت حلوه كدا مالا ) في اصحابنا ديلاك ناس العرضة جنوب ( حسي انا قلت المريخ ) انها اقوان زي الرصاصة لمن تطلع من المسدس ( فهمتوا ولا نعيد ) وطبعا بي مناسبة الرصاص دا قالو في رصاصة كدا اسمها رصاصة الرحمة ( دي قالو رصاصة عندها طعم تاني طبعا ) .. الرصاصة دي طبعا فكاها ولدنا ايفوسا .. ايفوسا دا قالو ليك من ما خلا اصحابنا ديلاك الموسم الفات عينو علي رصاصة الرحمة دي .. الزول دا قالو قال لي كامبوس اسمع انا ما داير العب اي حاجة في الكورة دي بس فكني اخر دقايق وشوفني بعمل في اصحاب ديل شنو ؟ كامبوس قال جدا يا فردة ما عندك اي شمكلة .. بالي الزول دا اول ما دخل شغال بيملا في كراعو بس و .. و .. الحصل حصل ( حسي الرصاص لزومو شنو !! ) .. المشكلة كلها في عمر بخيت ( حسي يا عمر لو ما جيبت سيرت الرصاص ايفوسا دا كانو خشا مع اصحابنا ديك في حته ضيقه زي دي ) قايتو يا عمر وايفوسا ما بسالكم !! .. هو كمان لو جينا علي السؤال اول زول لازم نسالؤ هو ( ديمبا ) والله يا ديمبا قعد تبالغ ( حسي فتحت سيرت الاقوان دي مالك ) .. غايتو نقول شنو ما الحصل حصل !!!

رصاصة (2)
اجمل حاجة في تاهل الهلال ( انو جا من بوابة اصحابنا ديلاك ) ياخ الحكاية كانت ممكن تنتهي من بدري لكن شوف القدر ياخ
( حسي في داعي يا جماعه تخشوا في حتات ضيقة زي دي ؟! ) .. كلوا من ايفوسا !! .. لكن يا الدافي بتبالغ في داعي حسي للدفير دا كلوا لو داير لي قون قول ماف ديع تدفر لينا اولادنا ديل كدا ( ديل خاشين علي فاينل ) .. كلوا من عمر بخيت !!
الدافي هين البسال احمد الباشا دا منو ؟! حسي يا الباشا في ضروري للنرفزة دي وقت ما بتقدر علي الرصاص ( كان تقول بس بدلوني ) ماف داعي لي حنك الكرت الاحمر دا ... غايتو بس نقول شنو كلو من ديمبا !!!

رصاصة ( الرحمة )
اسمعوا تجوا نديكم جدول تلاته (3) ولا حافظينو ..( والله بعد الحصل دا لو ما حفظتوا بتكونا احرجتونا عديل كدا )